सपना में देखलीं सखिया स्याम के अवनवाँ
ए सहेलिया मोरी रे।
नाहीं अइलें स्याम हमार ए सहेलिया मोरी रे।
करि के करार स्याम गइलें मधुबनवाँ
ए सहेलिया मोरी रे।
हमनी के दिहलें बिसार ए सहेलिया मोरी रे।
कइसे के इन्हइया हमनी छोड़ी के परइलें
ए सहेलिया मोरी रे।
नाहीं माने जियरा हमार ए सहेलिया मोरी रे।
कहत महेन्दर सखिया धरूना धीरीजवा
ए सहेलिया मोरी रे।
काल्हु अइहें स्या मजी तोहार ए सहेलिया मोरी रे
