विपत्ति ग्रसित हुलांन या हालैंड

ताप तत्त्व निधि ईश की वर्ष ईस्‍वी जान।
मास भूमि तिथि मास मृत्‍यु परी अति विपति हुलांन।। 1
        बड़ी विपति में पड़ा हुलांन।
        हाय ! अजगैबी चढ़ा तुफान।। टेक।।
छप्‍पय-कबहुँ हुलांन अस विपति न पाई।
        नहिं इतिहास ने दीन्‍ह गवाही।।
        अवशहिं ईश्‍वर होय सहाई।
और करै कल्‍यान, हाय ! अजगैबी चढ़ा तुफान।। 1
        सब कोई विनय करहुँ ईश्‍वर से।
        यह दुख टरै हुलांन के सिर से ।।
        धन जन सुख पूरन हों फिर से।
औरहु बरसै रहमत शान, हाय ! अजगैबी चढ़ा तुफान।। 2
        सन् उनइस सौ तिरपन्‍ना।
        तिथि उनतिस जनवरी महीना।।
        लग्‍यो ग्रहण गुरुवार चन्‍द्रैना।
देखी रब की शान, हाय ! अजगैबी चढ़ा तुफान।। 3
        देखा चंद्र ग्रहण सब जग में।
        बड़े बडे़ पंडित रहे यूरुप में।।
        नहिं जाना फल चंद्रग्रहण में।
नहिं कछु कीन्‍ह बयान, हाय ! अजगैबी चढ़ा तुफान।। 4
        शनिश्‍चर समय रात्रि को आयो।
        चली आंधी सागरहिं जगायो।।
        जल ऊपर जलयान हिलायो।
सिंधु जोश लख हुए हैरान, हाय ! अजगैबी चढ़ा तुफान।। 5
        उठीं लहर सागर महं भारीं।
        थापै जबर बाँध में मारीं।।
        लख कर डरे नगर नर नारीं।
बहु पानी उफलांन, हाय ! अजगैबी चढ़ा तुफान।। 6
        सिंधु धार ने जोर लगायो।
        बुद्धिमानों का जिय घबरायो।
        अक्‍ल हुनर कछु काम न आयो।
तोड़ दीन्‍ह पक्‍का बंधान, हाय ! अजगैबी चढ़ा तुफान।। 7
        चली धार मार कर हल्‍ला।
        दीन्‍ह बहाय शहर का गल्‍ला।।
        डूबे गाँव अरु गली मुहल्‍ला।
गिर गए महल बने आलीशान, हाय ! अजगैबी चढ़ा तुफान।। 8
        कठिन कराल सिंधु की धारा
        भर गया पानी देश झंझारा।।
        विधि कर लिखा को मेटन हारा।
कर दिए पल में नाश किसान, हाय ! अजगैबी चढ़ा तुफान।। 9
        विनती करहुँ दुहूँ कर जोरी।
        क्षमियो नाथ पाप हम धोरी।।
        पड़ा हुलांन शरन अब तोरी।
कर सहाय तू है रहमान, हाय ! अजगैबी चढ़ा तुफान।। 10
        देखी विपति शीश पर आई।
        नर नारी बालक घबराई।।
        छाती पीटें अरु चिल्‍लाई।
कहें बचाय लेहु भगवान, हाय ! अजगैबी चढ़ा तुफान।। 11
        कोई सोवै कोइ जागत रहई।
        गली घाट कोइ आवत जाई।।
        सब को जल ने दीन्‍ह बहाई।
नहीं कोई चीन्‍हें आप बिरान, हाय ! अजगैबी चढ़ा तुफान।। 12
        सब खेती जल दीन्‍ह डुबाई।
        पशु पक्षी छिन मात्र बिलाई।।
        कोई विधि से नहीं होय सहाई।
मर मर कर लाशें उतरान, हाय ! अजगैबी चढ़ा तुफान।। 13
        लाशें लहर किनारे कीन्‍हीं।
        कछु चीन्‍हीं कुछ जाँय न चीन्‍हीं।।
        जौन मिलीं मिट्टी दै दीन्‍हीं
साढे़ तेरह सौ परमान, हाय ! अजगैबी चढ़ा तुफान।। 14
        जहाज रहे वहं लंगर डाले।
        डगममग डगमग करें बिचारे।।
        तोड़ दीन्‍ह तूफान ने सारे।
नाश भए भारी जलयान, हाय ! अजगैबी चढ़ा तुफान।। 15
        कोई तरुवर कोइ घर पर चढ़ गए।
        कोइ कोई निज भुइं धरा में चल गए।।
        बड़े पैरैय्या धार में पड़ गए।
भूल गए सारे अवसान, हाय ! अजगैबी चढ़ा तुफान।। 16
        बड़ी विपत्ती का पड़ा सामना।
        कोइ अक्‍कल कुछ करै काम ना।।
        दीन्‍ह खबर चहुं ओर तार मा।
सुनकर रोया सकल जहान, हाय ! अजगैबी चढ़ा तुफान।। 17
        पाय खबर अमेरिका आयो।
        सुन जर्मन इंगलेंडहु धायो।।
        सबै पड़ोसी दौड़न आयो।
कीन्‍ह सहाय दीन्‍ह वायुयान, हाय ! अजगैबी चढ़ा तुफान।। 18
        उडे़ मशीन आकाश के माहीं।
        पकडे़ जन जहं पर मिल जाहीं।।
        चहै तरुवर चहै जल पर काहीं।
दुइ सौ चवालिस उड़े वायुयान, हाय ! अजगैबी चढ़ा तुफान।। 19
        जल ऊपर जलयानहु धावें।
        जिंदा या मुर्दा मिल जावें।।
        तुरत हिं पकड़ जहाज चढ़ावें।
दुइ सहस्र घूमें जलयान, हाय ! अजगैबी चढ़ा तुफान।। 20
        घटना बहुत भईं जग माहीं।
        अस विपदा कोई झेली नाहीं।।
        जस हुलांन के सिर पर आहीं।
नहिं देखी नहिं सुनी है कान, हाय ! अजगैबी चढ़ा तुफान।। 21
        हुलांन की मिलकर करहुँ सहाई।
        अन्‍न धन वस्‍तर जो ह्वै जाई।।
        दीन दुखी को दो पहुँचाई।
सब से बड़ा यही महादान, हाय ! अजगैबी चढ़ा तुफान।। 22
        सब मुल्‍कन से धन बहु आयो।
        कोई अन्‍न कोई वस्‍तर भिजवायो।।
        क्‍वीन युलियाना को समुझायो।
मत घबड़ा रक्षक भगवान, हाय ! अजगैबी चढ़ा तुफान।। 23
        हमहूं संग क्‍वीन का देवें।
        उनकी विपदा हम सह लेवें।।
        उन पर तन धन जी दै देवें।
हैं शामिल अब्‍दुल रहमान, हाय ! अजगैबी चढ़ा तुफान।। 24
        है ईश्‍वर से विनती मोरी।
        क्‍वीन प