मिथिला सहरिया के पतरी तिरियवा हाय रे सँवरिया लाल।
राखेली नयनवाँ में लोभाय हाय रे संवरिया लाल।
बेगि देखि अइहो राम मिथिला सहरिया हाय रे सँवरिया लाल।
जिया नाहीं माने ला हमार हाय रे सँवरिया लाल।
तोहरो उमिरिया राम थोड़हि दिनन के हाय रे सँवरिया लाल।
लागी जइहें नयना के कटार हायरे सँवरिया लाल।
निरखे महेन्द्र नारी जिया हरिलीहें हाय रे सँवरिया लाल।
ऊ त चलते बटेहिया बिलमाय हाय रे सँवरिया लाल।
