मैया कबहुं बढ़ैगी चोटी।
किती बेर मोहि दूध पियत भइ यह अजहूं है छोटी॥
तू जो कहति बल की बेनी ज्यों ह्वै है लांबी मोटी।
काढ़त गुहत न्हवावत जैहै नागिन-सी भुई लोटी॥
काचो दूध पियावति पचि पचि देति न माखन रोटी।
सूरदास त्रिभुवन मनमोहन हरि हलधर की जोटी॥

maiya kabahun badhaigee chotee.
kitee ber mohi doodh piyat bhi yah ajahoon hai chhotee.
too jo kahati bal kee benee jyon hvai hai laambee motee.
kaadhat guhat nhavaavat jaihai naagin-see bhuee lotee.
kaacho doodh piyaavati pachi pachi deti na maakhan rotee.
sooradaas tribhuvan manamohan hari haladhar kee jotee